ચુંટેલા શેર

તકલીફ એનાં ટેરવાને ના પડે;
આ બારણાં ખુલ્લા હજુયે એમ છે.

-આહમદ મકરાણી

મારું  શરીર કાળી કીડીનો રાફડો છે,
ઈચ્છાને નામેએમાં ધરબેલ ગુપ્ત ધન છે.

- ભરત ભટ્ટ 'તરલ'

થોડાં  ગમા ને થોડાં અણગમા
બે વચ્ચે : ઉધાર હું ને તું જમા.

- પ્રદિપ રાવલ

સમયના હવે ઉંટ હાંફી ગયા છે
કહો ક્યાં સમયે પૂરી થાય આ રેતી.

- મનોજ ખંડેરિયા

લૈ આવ, હવે તું ચોખાનો દાણો
હું એકલો, યુગોથી મગ જેવો છું.

વારિજ લુહાર

યુદ્ધનો બસ એ જ સઘળો સાર છે,
હાર છે , હા , બેઉ પક્ષે હાર છે.
કોઈને શ્રદ્ધા હશે ઇશ્વર ઉપર,
આપણે તો આપણો આધાર છે. - જાતુષ જોશી

બસ હવે હસવું નથી રડવું નથી,
છેક પાસે છે છતાં અડવું નથી.
એ હશે ઉપર તો નીચે આવશે,
કોઈ સીડી પર હવે ચડવું નથી. - સુભાષ શાહ